प्रधानमन्त्री वालेन्द्र शाह संयुक्त राष्ट्रसंघके ८१ औं महासभाम भाग लेना आज अमेरिकाके न्यूयोर्क जैना होके कार्यवाहक प्रधानमन्त्रीके जिम्मेवारी अर्थमन्त्री डा. स्वर्णिम वाग्लेहे देहेल बाटै  ।  
प्रधानमन्त्री शाह आप्नह राष्ट्रसंघके महासभाम भाग लेना आज साँझके ७ बजे अमेरिकाके न्यूयोर्क प्रस्थान कर्ती आइल बाटै । उहाँ आप्नह अनुपस्थितिम कार्यवाहक प्रधानमन्त्रीके जिम्मेवारी अर्थमन्त्री वाग्लेहे देहेलाग आज राष्ट्रपति रामचन्द्र पौडेलसमक्ष सिफारिस कर्ले रहित । उक्त सिफारिसके आधारम राष्ट्रपति पौडेल अर्थमन्त्री वाग्लेहे कार्यवाहक प्रधानमन्त्री तोकल बाटै ।  
प्रधानमन्त्री शाह संयुक्त राष्ट्रसंघके महासभाम असोज ८ गते सम्बोधन कर्ना कार्यतालिका बा । उहाँ असोज १० गते स्वदेश फिर्ता हुइना तालिका रहल प्रधानमन्त्रीके सचिवालयहूक्र जनाइल बाटै ।