कञ्चनपुर दोधारा चाँदनी ओ भीमदत्तनगर जोड्ना महाकाली लदियाउपर झोलुङ्गे पुलम हूइल क्षतिबारे सरकारहूक्र प्राविधिक अध्ययन कर लागल बाट । आज बिहानके झोलुङ्गे पुलके एकथो स्पान ओ बीचके टावर खस्के हाल पूर्णरुपम आउत–जाउत बन्द हूइल बा ।
कञ्चनपुरके प्रमुख जिल्ला अधिकारी मदन कोइराला आज बिहानके क्षतिग्रस्त पुलके निरीक्षण कर्ती पुल कैसीके क्षतिग्रस्त हूइल कना बारेम प्राविधिक अध्ययन आगे बढैना बतैल ।
प्रजिअ कोइरालाके अनुसार आज बिहानी पुल ‘डिसब्यालेन्स’ हूइल सूचना पैतीकिल सुरक्षाकर्मी परिचालन कैके तत्काल आवतजावत बन्द करल रहित । बिहानके करिब आठ बजेओहर पुलके एकथो भाग  नदीयाम खसल रह । आब पुलसे आवतजावत कर सेक्ना अवस्था नैहो ।

‘पुलके एकथो स्पान, बीचके एकथो टावर  खसल अवस्थाम बा  । आब आवतजावत हुइ नैसेक्ना  अवस्था बा ,’ प्रमुख जिल्ला अधिकारी कोइराला कल ।
कोइरालाके अनुसार पुलके क्षतिके प्राविधिक कारण पहिचान करेलाग सुदूरपश्चिम प्रदेशके यातायात मन्त्रालयअन्तर्गतके पूर्वाधार निर्देशनालयके प्राविधिक टोलीह बोलाइल बाट । उक्त टोलीहूक्रे स्थलगत निरीक्षण कैके पुल कैसिके क्षतिग्रस्त हूइल कैके प्राविधिक विश्लेषण कर्ना बा । 
प्राविधिक टोलीके अध्ययनपा मर्मत ओ पुनः सञ्चालनके लाग आवश्यक प्रक्रिया आघ बढैना उहाके भनाइ बा । प्रदेश सरकारके क्षेत्राधिकार ओ क्षमताभित्ररसे समस्या समाधान करसेक्लसे प्रदेशमन्से काम आघ बढैना ओ प्रदेशसे समाधान हुइ नैसेक्लेसे संघीय सरकारसँग समन्वय कर्ना उहा बतैल ।
‘प्राविधिक विश्लेषणपाछे प्रदेश सरकारसे हूइ कलेसे हम्रे ओकर अनूसार आगे बढैबी । यदि प्रदेश सरकारसे फेन हुइ नैसेक्ना प्राविधिक समस्या रहीत संघीय मन्त्रालयसँग बाट कैके यीहिन हलिसे हलि कैसिक हूइत मर्मत करे सेक्जैत,ओ सुचारु ओ करे सेक्जैत,’ कोइराला कल ।
प्राविधिक टोलीके रिपोर्ट प्राप्त होके सम्बन्धित निकायसँग समन्वय कैके पुलहे सेक्नासँम्म हलि सञ्चालनम लन्ना प्रक्रिया आघ बढैना प्रजिअ कोइरालाके भनाइ बा ।
उहा पुलके अवस्था जोखिमपूर्ण होके सर्वसाधारणहूकन पुल हेर ओ भिडियो खिचेलाग  समेत घटनास्थलम नैजैना आग्रह कर्ल बाट ।