काठमाडौँः प्रधानमन्त्री वालेन्द्र शाहके भारत भ्रमण आगामी मङ्सिर दोस्रो साता हुइना हुइल बा । 
परराष्ट्रमन्त्री शिशिर खनाल आज सञ्चारकर्मीहुकसँगके बातचितमे प्रधानमन्त्री शाहके भारत भ्रमण हुइना बतैती मितिके सम्बन्धमे सार्वजनिक समाचारमे उल्लेख हुइल आसपासके मितिमे हुइना उल्लेख कलै । विभिन्न सञ्चारमाध्यममे प्रधानमन्त्री शाहके भारत भ्रमण आगामी मङ्सिर दोस्रो साता हुइना समाचारमे सार्वजनिक हुइल बा । 
मन्त्री खनाल कलै , “तर आजके दिनसम्म हम्रे औपचारिक रूपमे निश्चित करल नैहुइती ।” वर्तमान सरकार गठन होके  भारत सरकारसँग नियमित सम्पर्क हुइती रहल जानकारी करैती उहाँ प्रधानमन्त्रीके आगामी भ्रमण परिणाममुखी ओ उपलब्धिमूलक हुइना अप्नह फेन चाहना रहल बतैल ।
“भ्रमणके दौरान ‘ट्रेड ओ ट्रान्जिट’, कनेक्टिभिटी, ऊर्जा, सीमालगायत विषयमे कुछ ना कुछ सकारात्मक प्रगती हुइना कना बा ।”, मन्त्री खनाल कल। भ्रमणके क्रममे भारी पूर्वाधार ओ जलविद्युत् परियोजनाके उद्घाटन ओ शिलान्याससँगे विभिन्न सम्झौतामे हस्ताक्षर हुइना बताइल बाटै । गत १३ चैतमे वर्तमान सरकारके नेतृत्व सम्हाल्ती आइल प्रधानमन्त्री शाहके पहिलोपटक भारत भ्रमण हुइ लागल बा ।