राष्ट्रिय पाठ्यक्रम प्रारूप, २०७६ परिमार्जन कर्के विद्यालय शिक्षाहे रोजगारमुखी, प्रयोगात्मक ओ उद्यमशील नागरिक उत्पादन कर्ना शिक्षण सिकाइ केन्द्रित बनपर्नामे जोड देले बाटै ।
पाठ्यक्रम विकास केन्द्र, सानोठिमी, भक्तपुरमे बिहीवार कैलालीके धनगढीमे आयोजना करल प्रदेशस्तरीय कार्यशालाम शिक्षक, विद्यार्थी, प्रधानाध्यापक, अभिभावक, नीतिनिर्माता ओ अन्य सरोकार हूइलमनै शिक्षाहे श्रम, उत्पादन, रोजगारी ओ स्वरोजगारसँग जोडेपर्ना बताइल बाटै । पाठ्यक्रम, विषय छनोट, मूल्याङ्कन प्रणाली, शिक्षक तयारी ओ पाठ्यक्रमम सुधार कर्ती सूचना प्रविधि, श्रमबजारके मागअनुसार विषयवस्तु ओ सीप सिकाइउन्मुख ज्ञान, उद्यमशीलता, स्वरोजगार ओ मानवीय मूल्य बढ्ना विषयहे प्राथमिकता देहेपर्ना सहभागीहूक्र सुझाव देल बाट ।
अस्तके, नैतिक शिक्षा, कम्प्युटर सीप, प्रारम्भिक बालविकास ओ स्थानीय विषयहे राष्ट्रिय पाठ्यक्रम संरचनामै समावेश करेपर्ना सुझाव देले बाटै । कार्यक्रमम सुदूरपश्चिम शिक्षा विकास निर्देशनालयके महानिर्देशक दुर्गादत्त विष्ट ‘का पढ्लसे काम करे सेक्ना’ विद्यार्थी तयार कर्ना कैके कोणसे सोचेपर्ना आवश्यकता रहल बा कैके कलै । उहा शिक्षा जीवन जीउना कला ओ कामकर्के सीपके आधार हुइपर्ना मे जोड देलेसे फेन नैहूइ सेक्ना कैके अबके पाठ्यक्रम गरिखैना शिक्षा प्रवद्र्धन कर्ना हेतु निर्माण करेपर्ना जोड देलै । हाल के कत्रा पढल ओ कत्रा अङ्क लानल कैके कील सोच्ना कर्ले बाटै । तबे विद्यार्थीहूकन उद्यमशील, सृजनशील, आत्मनिर्भर ओ मानवीय मूल्यम प्रतिबद्ध निष्ठावान् नागरिक बन्ना ओ बनैना कना सोच्जैत । तबे विश्वविद्यालय शिक्षा पढ्के फेन कूछ काम नैलागल कना भाष्य बन्ती आइल बा । महानिर्देशक विष्ट कलै, “तबे अबके पाठ्यक्रमहे गरिखैना नागरिक बनाइलाग साथमे सामाजिक ओ भावनात्मक पक्ष, नैतिक शिक्षा, परम्परागत उपयोगी मान्यताप्रति प्रतिबद्ध, सिकाइ, बुझाइ, व्यवहार ओ सीपमे सामञ्जस्यता कायम करे सेके परत ।
कार्यक्रमम प्रदेश नीति ओ योजना आयोगके सदस्य गङ्गादत्त जोशीे नैतिक शिक्षाहे अनिवार्य कर्ना, कक्षा ५ सम्म विद्यार्थीके रुचि बुझ्ना ओ तबे रुचिअनुसारके आवश्यकता सम्बोधन कर्ना शिक्षा प्रणाली विकासमे जोड देहेपर्ना बतैल । उहा सरोकार हूइती आइल सुझाव सम्बोधन कर्ती युग सुहैना पाठ्क्रम बनैना सम्बद्ध अधिकारीहे आग्रह कर्ल ।
