डोटीके सेती नदीम हामफाल्के बेपत्ता हूइल एक युवतीके शव कैलालीस्थित कर्णाली नदीके किनारम फेला परल बा । 
डोटीके दिपायल सिलगढी नगरपालिका–६, नाचनथलीके २२ वर्षीया शिक्षिका प्रियंका श्रेष्ठके शव बुधबार टीकापुर नगरपालिका–२, मूलपानीस्थित कर्णाली नदी किनारम फेला परल प्रहरीहूक्र जनाइल बाट । 
श्रेष्ठ भदौ ३० गते दिपायल सिलगढी नगरपालिका–३ स्थित सेती नदीके झोलुङ्गे पुलसे नदीम हामफाल्के बेपत्ता हूइल रहिन् ।शव फेला पर्के इलाका प्रहरी कार्यालय टीकापुरसे प्रहरी नायब उपरीक्षक प्रकाश डाँगीके नेतृत्वम प्रहरी टोली घटनास्थल पुगल रह । प्रहरीहूक्र आवश्यक कानुनी प्रक्रिया पूरा कैके श्रेष्ठके शव टीकापुर अस्पतालके शवगृहम धरल बा कैके जनाइल बाट ।