धनगढीके शैक्षिक इतिहाससँगे जोडल श्री धनगढी नमुना प्राविधिक माध्यमिक विद्यालयमे लम्मा समयसे विद्यालयके नेतृत्व कर्ती आइल प्रधानाध्यापक लक्ष्मण दत्त भट्टहे भावपूर्ण विदाइ कर्ले बाट । विद्यालयके शैक्षिक, भौतिक ओ व्यवस्थापकीय विकासमे २३ वर्षसम्म निरन्तर योगदान पुगाइल भट्ट उमेर हदके कारण सेवासे निवृत्त हुइल बाटै । 
शिक्षकके रूपमे प्रवेश करल लक्ष्मण दत्त भट्ट, प्रधानाध्यापकके जिम्मेवारीसम्म पुग्के विद्यालयके विकास ओ संस्थागत उन्नतिमे महत्वपूर्ण भूमिका निर्वाह करल भट्टके सेवाहे विद्यालय परिवारहूक्र प्राप्त करल योगदानहे स्मरण कर्ती सम्मान व्यक्त कर्ले बाटै ।

धनगढीके शैक्षिक क्षेत्रमे आपन छुट्टै पहिचान बनैना सफल श्री धनगढी नमुना प्राविधिक माध्यमिक विद्यालय वि.सं. २००४ सालम भाषा पाठशालाके रूपम स्थापना हूइल यी विद्यालय आज साधारण शिक्षासँगे प्राविधिक ओ व्यावसायिक शिक्षासमेत प्रदान कर्ना शैक्षिक संस्थाके रूपमे विकसित हूइल बा । 
यहे संस्थाके विकास यात्राम २३ वर्षसम्म निरन्तर जोड्गील व्यक्तित्व हुइत—प्रधानाध्यापक लक्ष्मण दत्त भट्ट ।

विद्यालयके आधिकारिक विवरणअनुसार विद्यालयसे समयक्रममे माध्यमिक, उच्च माध्यमिक, प्राविधिक ओ अंग्रेजी माध्यमके शिक्षा सहित विभिन्न शैक्षिक कार्यक्रम विस्तार कर्ती आइल बाटै । 
दुई दशकसे ज्यादा समय एक्केथो संस्थाके शैक्षिक उन्नति, विद्यार्थीके भविष्य ओ विद्यालयके व्यवस्थापनहे आपन जिम्मेवारी ठान्के निरन्तर खटल समय । २३ वर्षके यी यात्रामे उहाँ केवल प्रशासनिक जिम्मेवारी निर्वाह नैकैके, विद्यालय परिवारके लाग अभिभावक, मार्गदर्शक ओ संरक्षकके भूमिका फेन निर्वाह कर्ले बाट ।
विद्यालयके भौतिक संरचना विकाससे प्रविधिमैत्री, शिक्षण वातावरण निर्माण, शैक्षिक गुणस्तर सुधार ओ व्यवस्थापकीय प्रणालीहे व्यवस्थित बनैना प्रयासमे उहाँके नेतृत्व देखाइत । विद्यालयके कक्षा कोठाम समेत डिजिटल शिक्षण, क्ष्ऋत् साक्षरता, ऋऋत्ख् निगरानी, पुस्तकालय ओ विद्यालयके भौतिक विकासजस्ते पक्षमे काम करले वाट

प्रधानाध्यापकके जिम्मेवारी केवल कार्यालय सञ्चालन कर्ना किल नैहोके ।
सयौँ विद्यार्थीके भविष्यसँग जोडल निर्णय लेना, शिक्षक ओ कर्मचारीहूकन समेत्के विद्यालयहे आघे बढैना ओ अभिभावकके विश्वास कायम कर्ना फेन नेतृत्वकै महत्वपूर्ण पक्ष हो ।
यहे जिम्मेवारीहे निरन्तरता देती भट्ट आपन लम्मा सेवाकाल विद्यालयकै विकासमे समर्पित कर्ले बाट  ।
आज उहाँ सेवा निवृत्त हुइल क्षणम विद्यालय परिवारके लाग यी केवल एकथो प्रशासनिक जिम्मेवारी हस्तान्तरणके घटना किल नैहोके  यी एकथो लम्मा यात्राके औपचारिक समापन फेन हो ।
विद्यालयके विकासक्रम हेर्ले से पछिल्लो वर्षमे भौतिक ओ शैक्षिक क्षेत्रम उल्लेख्य परिवर्तन आइल बा ।
विद्यालयमे प्राविधिक शिक्षातर्फ सिभिल इन्जिनियरिङ कक्षा ९ से १२ सम्म सञ्चालन कर्ती जिल्लामै प्राविधिक धार सञ्चालन कर्ना विद्यालयके पहिचान बनल बा ।
आज विद्यालयम भारी संख्याम विद्याथीहूक्र अध्ययनरत कर्थ  ।
अस्तके एकथो पुरान शैक्षिक संस्थाहे बदल्ती रहल समयअनुसार आघ बढैना यात्रामे प्रधानाध्यापकक नेतृत्व फेन महत्वपूर्ण पक्षके रूपम जोडजाइत  ।

समय सँगे आपन गतिम आघ बढत लक्ष्मण दत्त भट्ट,  पद ओ जिम्मेवारी परिवर्तन हुइत तर कोनो संस्थाके लाग लम्मा समयसम्म कर्ती रहल योगदान भर सम्झनामे पलिरहत । २३ वर्षसम्म विद्यालयहे आपन ऊर्जाशील समय, अनुभव, ज्ञान ओ नेतृत्व प्रदान करल लक्ष्मण दत्त भट्टके लाग फेन आजके दिन अस्तके सम्झनायोग्य बनल बा ।कैके  विद्यालय व्यवस्थापन समिति के अध्यक्ष ÷ शिक्षक प्रतिनिधि जूगराम चौधरी जनाइल बाटै ।
२३ वर्षसम निरन्तर एकथो संस्थाम रहके नेतृत्व कर्ना अप्नह एकथो लम्मा यात्रा हो।
यी यात्राम सफलता किल नैहोके चुनौती फेन रहत ।
आपत परिस्थिति आइत निर्णय लेहेपर्ना क्षण आइत तर संस्थाके जिम्मेवारी सम्हल्ना मनै ओहे यात्रासे अभिन् अनुभवी बनत । लक्ष्मण दत्त भट्टके २३ वर्षे यात्रा फेन अनुभव, जिम्मेवारी ओ नेतृत्वसँग जोडल यात्रा हो।
आज विद्यालय परिवारसे ओहे योगदानहे सम्मानके साथ स्मरण कर्ती आइल बाटै ।
समय मनैनहे एक ठाउँसे दोसर ठाउँमे पुगाइत ।जिम्मेवारी फेरत, पद फेरत ।लेकिन मनैनके
संस्थाहे देहेल योगदानके सम्झना लिरोसी नैमेतथ लक्ष्मण दत्त भट्ट—आज प्रधानाध्यापकके जिम्मेवारीसे निवृत्त हुइल बाटै । तर—२३ वर्षसम्म उहाँके देहेल समय,विद्यालयप्रतिके समर्पण,विद्यार्थीप्रतिके जिम्मेवारी ओ संस्थाप्रतिके योगदान—यी सब सम्झनामे रही ।२३ वर्षआघ सुरु हूइल एकथो जिम्मेवारी—आज औपचारिक रूपमे टुंग्याइल बा ।