धनगढीः कल २४ न्युज प्रालिसे ’फुटसल टुर्नामेन्ट २०८३ सिजन–२’ आयोजना कर्ना हूइल बा । प्रतियोगिता असोज २४ ओ २५ गते धनगढीस्थित वाल्मीकि फुटसलम हुइल सोमबार पत्रकार सम्मेलनके आयोजना कर्ती जानकारी देहेल बाट । खेलकुदके प्रवद्र्धन, युवा सशक्तिकरण ओ दुव्र्यसनमुक्त समाज निर्माणके सन्देश देना उद्देश्यसे आयोजना करल प्रतियोगिताके गत वर्षम पहिलो संस्करण सफल हूइल रह । तबजाके सुदूरपश्चिमके खेलप्रेमी युवाहूकनहे एकथो मञ्चम जोड्ना ओ स्वस्थ जीवनशैलीप्रति सचेत कराइलाग यहेवर्ष प्रतियोगिताहे अभिन् परिस्कृत ओ भव्य रूपम सञ्चालन करे लागल आयोजकहूक्र जनाइल बाट । यहेपटक पुरुष ओ महिला दुनू विधाम प्रतिस्पर्धा हुही ।
प्रतियोगिताम सहभागी हुइ चाहना पुरुष टिमहूक्र पाँच हजार ओ महिला टिमहूक्र तीन हजार दर्ता शुल्क बुझैपर्ना बाट । पुरुष विजेता टोलीहूक्र ५० हजार ५५ ओ उपविजेतासे ३० हजार ५५ ओ महिला विजेता टोलीहूक्र २२ हजार २२२ ओ उपविजेताहूक्र ११ हजार १११ पुरस्कार पैना बाटिन् । 
अस्तके, पुरुषतर्फके उत्कृष्ट विधागत खेलाडीहूकन दुइ हजार ५०० ओ महिलातर्फके उत्कृष्ट विधागत खेलाडीहूकन जनही एक हजार प्रदान कर्ना बाटिन् ।