बस्तीमाथिके जमिन चिराचिरा पर्के भत्के लागल कारण से बैतडीके डिलाशैनी गाउँपालिका–१ बरभकेक १८ घर पहिरोके उच्च जोखिममे परल बाटै ।
बस्तीसे करिब ५०० मिटरसेउपर रहल खेत ओ जमिनमे भारी दरार देखाके स्थानीयमे पहिरोके त्रास बढल बातीन् । पछिल्लो कूछ दिनसे निरन्तर वर्षा होके जमिन थप भत्कना ओ पहिरो जै सेक्ना जोखिम बढल स्थानीयहूक्रे बताइल बाटै । स्थानीय लक्ष्मण जागरीके अनुसार पानी पर्ती रहल के कारण बस्तीके बासिन्दा त्रसित बाटै । वडा अध्यक्ष कृष्णकुमार धामी फेन बस्तीउपर जमिन चिराचिरा पर्के फुटल ओ जोखिम बढ्ती गील बताइल बाटै ।
जोखिमके अवस्था बुझ्ना आइतबार प्रहरी, जनप्रतिनिधि ओ कर्मचारीके टोलीहे घटनास्थलके स्थलगत निरीक्षण कर्ले बा । जोखिममे रहल परिवारहे तत्काल सुरक्षित स्थानमे सार्ना तयारी हूइती रहल वडा अध्यक्ष धामीे जानकारी देले बाटै ।
पहिरोके जोखिममे गोरेदत्त भट्ट, कृष्णदत्त भट्ट, महावीर धामी, दूरा धामी, जसिदत्त भट्ट, मनिदरा भट्ट, लक्ष्मण जागरी, प्रताप जागरी, अकबर जागरी, नवराज भट्ट, धौले खत्री, कमल खत्री, जसे खत्री, कैले खत्री, प्रकाश धामी, धनबहादुर खत्री, ईश्वरदत्त भट्ट ओ धर्मराज भट्टके घर रहल बाटै । डिलाशैनी गाउँपालिका अध्यक्ष सन्तोष जोशीे जोखिममे रहल परिवारहे आफन्तके घर ओ अन्य सुरक्षित स्थानमे बैठ्ना आग्रह करल बताइल बाटै ।  जमिनमे देखाइल दरारके कारण वर्षा बढ्ना सँगे जोखिम थप गम्भीर हुइसेक्ना होके स्थानीय बासिन्दाहे उच्च सतर्कता अपनाइलाग आग्रह कर्ले बाटै ।