कैलाली ओ कञ्चनपुरके विभिन्न स्थानसे खैरो हेरोइनजसीन देखैना लागुऔषधसहित चार जाने पक्राउ परल बाटै ।
कैलालीके भजनी नगरपालिका–३ पडरियास्थित एकथो घरमे खानतलासी कैके ७७० मिलिग्राम खैरो हेरोइनजसीन पदार्थ फेला परल बा । प्रहरीहुक्र उक्त पदार्थसहित स्थानीय २८ वर्षीय हरिप्रसाद डगौराहे नियन्त्रणमे लेहेल बाट । 
ओस्तके, धनगढी उपमहानगरपालिका–७ मनेहरामे जाँच कर्ना क्रममे १८ वर्षीय एक किशोरके साथसे ७० मिलिग्राम खैरो हेरोइनजसीन पदार्थ बरामद करल प्रहरीहुक्र जनाइल बाटै । 
अस्तके, कञ्चनपुरके पुनर्वास नगरपालिका–११ डोकेबजारमे भारतसे नेपालतर्फ पैदल एैती रहल कैलालीके गोदावरी नगरपालिका–५ गेटाके १९ वर्षीय कुशल बिष्टके साथसे ४५० मिलिग्राम खैरो हेरोइनजसीन पदार्थ फेला परल बा ।
प्रहरीके अनुसार तीनथोही घटनामे बरामद करल लागुऔषधसहित पक्राउ परलउपर  आवश्यक अनुसन्धान हुइती बा ।