कैलाली चुरे गाउँपालिका–१ तुलिखेतस्थित जंगलम एक जाने मृत फेला परल बाटै । 
चुरे गाउँपालिका–१ निगालीके ५२ वर्षीय यज्ञबहादुर बोहराहे मृत भेटाइल बाटै । 
उहा असोज ५ गते हेराइल रहित ।
खोजी कर्ना क्रमम बुधवार शव फेला परल इलाका प्रहरी कार्यालय मालाखेतीके डिएसपी हिरा सिंह महरा जानकारी देहेल बाटै  ।
उहा मृतक  सहित ८ जाने सँगे बैठके मापसे करल ओ मृतकहे मापसे कर्ती  सँगे बैठके सघरेनहूक्र मारदेहेम कैके कहल भिडियो फेला परल बतैल  ।
उक्त भिडियोके आधारम ७ जाहून पक्राउ करल उहा बतैल ।
घटना स्थलम डिएसपी महराके कमान्डम प्रहरी खटल बाटै । आब पक्राउ परलहूकनहे इलाका प्रहरी कार्यालय मालाखेतीमे लन्ना कैके जनाइल बाटै । 
डिएसपी महरा घटनास्थलम टोपी, मोबाइल, चप्पल समेत फेला परल बतैल ।